الجزء الأول ، اقرأ الجزء الثاني من هنا
ماهو الثقب الاسود ؟ | معلومات عن الثقب الاسود
منذ شهور تم الاعلان عن احد الاكتشافات الفلكية ، والتي تعتبر اهم اكتشاف علمي حصل خلال 100 سنة فاتوا ، في 10 ابريل 2019 تم تصوير أول ثقب أسود في التاريخ، والحدث لا يقل اهمية عن اي احداث تانية زي اكتشاف المريخ او باقي الكواكب .
الخطوة دي تعتبر بمثابة طفرة كبيرة في الفيزياء وفي العلم بصورة عامة ،
لكن لحد دلوقتي مازال في اسئلة محيرة عند البعض!
زي كيف تم تصوير الثقب الاسود ده اللي بيبعد عننا ملايين السنين الضوئية؟
وازاي تم تصوير جسم غير ضوئي بالمرة ؟
وايه النفع اللي هيرجع عالبشرية لمجرد قدرتنا علي تصوير ثقب اسود موجود
في الفضاء الخارجي ؟
تصوير الثقب الأسود
قبل كده كانت فكرة تصوير ثقب اسود في الفضاء مجرد درب من دروب الخيال
بالنسبة للبشر، لكن كل ده اتغير تماما بمجرد انعقاد مؤتمر المؤسسة الوطنية
في العلوم في الولايات المتحدة ، واللي تم فيه عرض صورة حقيقية لاحد الثقوب السواداء التي تقع في مجرة تبعد عننا مسافة 54 مليون سنة ضوئية ،
في واقعة هي الأولي من نوعها عبر التاريخ البشري كله ولحد قريب كل
الصورة اللي كنا بنشوفها للثقوب السوداء سواء في الوثائقيات أو في الأفلام السينمائية
كانت مجرد توقعات ومحاكاة من قبل علماء ومفكرين ومكنش منهم أي صورة حقيقية.
كلهم كانوا عبارة عن صور تخيلية لبعض القراءات البسيطة ، والانجاز
ده شارك فيه 200 عالم وتم استخدام 8 مجموعات من التليسكوبات المنتشرة في أماكن
متفرقة علي سطح الأرض ،
ولو انت مازلت متعجب عن السبب اللي مخلي المجتمع
العلمي مقلوب رأسا علي عقب لمجرد صورة تم الإعلان عنها ، فخليني أقولك ان
المجتمع العلمي منتظر الحدث ده من أكتر من سنتين .. والصورة التي أعلنوا عنها
مش مجرد صورة وخلاص ولكنها تعتبر المفتاح لأحد الأسرار الكونية ،
وإجابة لأسئلة حيرت الفيزائيين لمئات السنين وتعتبر خطوة كبيرة للإنسانية
في طريقها لفهم الكون .
لكن في البداية خلينا نجاوب علي بعض الأسئلة المنطقية ..
ازاي العلماء صوروا الثقب الأسود ؟
والأهم من كده .. ازاي اصلا قدروا يعرفوا من البداية ان الثقوب السواء موجودة
بالرغم من انها اجسام غير مرئية محدش يقدر يشوفها ؟
اقرأ >>
حقيقة الثقوب السوداء
الثقوب السواء في الواقع هي أجسام غير مرئية ، مبتعكسش الضوء اللي
هو الثقوب السوداء ، فهي مش عبارة عن ثقب في الفضاء أو حاجة ، لكنها كتلة
مستديرة شبيهة بالشمس أو الأرض ، فلو بطريقة ما قدرنا اننا نطلع للفضاء وروحنا
مكان موجود فيه ثقب أسود وبدأنا نبص عالمكان اللي الثقب ده موجود فيه بعنينا المجردة مش هنشوف أي حاجة وهنلاقي المكان مجرد فراغ !
أسئلة محيرة !!
ومن هنا ظهر سؤال ..
ازاي العلماء في البداية قدروا يتنبؤا بوجود الثقوب السوادء في الكون ؟
- والاجابة بتكمن علي عدم قدرتنا علي رؤية الأشياء بالعين المجردة مش دليل علي انها مش موجودة ولكن بيكفي اننا نستدل علي وجود الشيئ بوسائل غير الرؤية المباشرةودي نفس الآلية اللي اتعامل بيها العلماء مع معظم النظريات والاكتشافات اللي ظهرت في المجتمع العلمي ، ابتداءا بالاجسام الصغيرة جدا اللي زي الذرة وانتهاءا بالاجسام الضخمة اللي زي الثقوب السوداء .
- فالذرة والالكترون والاجسام الذرية علي سبيل المثال محدش شاف اي حاجة منها وبالرغم من كده نعرف عنها كل حاجة تقريبا .. وده لاننا استدلينا علي وجودها ، فمجرد رؤية الشيئ لا يعني عدم وجوده ولكن يكفي الاستلال عليه ، وده نفس الحال بالظبط مع الثقوب السوداء .
- اول خطة في مشروع تصوير الثقب الأسود بدأت بمشهد غريب شافه علماء الفلك أثناء رصدهم لبعض النجوم الموجودة في مجرتنا درب التبانة .. واللي بيبعدوا عن مجموعتنا الشمسية مسافة 26 ألف سنة ضوئية ،
- وعشان ناس كتير بتسأل عن السنة الضوئية وبتعادل كام سنة من سنين الأرض ، فاحب نوضحها هنا ان السنة الضوئية هي وحدة لقياس المسافة مش لقياس الزمن ، وهي المسافة اللي بيقطها الضوء في سنة كاملة .
- وتم رصد مجموعة النجوم دي عن طريق فريق بحثي باستخدام تليسكوبات بتعمل بالأشعة تحت الحمراء وكان المشهد كالتالي : النجوم اللي تم رصدها كانت كلها بدور في مسارات ثابتة حول نقطة معينة والغريب ان النقطة كانت فراغ !
وهنا ظهر تساؤل جديد ، ليه النجوم العملاقة دي بتدور حوالين نقطة من الفراغ ، وهل النقطة دي فراغ فعلا ولا حاجة تانية مش قادرين نشوفها ؟
- وكانت الإجابة المنطقية وقتها ان النقطة اللي النجوم بتدور حواليها مش فراغ ولا حاجة ، ولكنه جسم ضخم موجود في الفضاء وعنده قدرة مهولة عن جذب النجوم حواليه كلمنا عنه اينشتاين من 100 سنة فاتوا .