recent
عاجل

ما هي اللغة الغريبة السغة ليمون التي استخدمها أحمد حلمي في اعلان "اتصالات" و مكي في كليبه "واقفة ناصية زمان"

الصفحة الرئيسية

ما هي اللغة الغريبة السغة ليمون التي استخدمها أحمد حلمي في اعلان  "اتصالات" و مكي في كليبه "واقفة ناصية زمان"

اعلان احمد حلمي اتصالات - أحمد مكي واقفة ناصية زمان


 المقال ده هيعرفنا علي حاجة كانت ولسة بتحصل في مصر ، ايام الانجليز كان لما بيحبوا يتكلموا قدام اي عسكري او ظابط مكنوش بيعرفوا يتكلموا عشان بيتفهموا لحد ما جم شوية ناس في الهرم وشوية مناطق شعبية تانية وقاموا مخترعين لغة جديدة او تعبير عن اللغة العربية عشان يعرفوا يتكلموا بيها واتسمت " سغة ليمون " 
وبدأ الموضوع ينتشر بس بالراحة وكان شبه توريث تقريبا .

اعلان احمد حلمي اتصالات - أحمد مكي واقفة ناصية زمان

قبل ماقول ازاي تعرف تتكلم باللغة دي ، هنعرف هي ظهرت تاني ليه !


اول استخدام للغة في كلمات أغنية أحمد مكي " واقفة ناصية زمان "

مكي نزل فيديو عاليوتيوب بيقول فيه انه ملوش ومكنش ليه صفحة عالفيسبوك ، ولما جه يعمل صفحة ، لقي الناس كلها عاملة الاسماء اللي ينفع تتعمل بيها ، فقرر يعمل اسمه بلغة "السغة لمون" وعمل صفحة اسمها " سكي ملاواني " واللي هي بتساوي في اللغة " مكي ".

وده خلي الناس تفتكر شوية اللغة دي ، وفضل برده ناس قليلة عارفة الموضوع ده 
 لحد  مانزل اغنية "واقفة ناصية زمان" وقام قايل فيها :

" ساسب حواجب سفهم يتنيل ساجة حلات "

 ودي معناها باللغة بتاعتنا "حاسب يفهم حاجة " .

_____________________________________________
وظايف خالية اضغط هنا
_____________________________________________

اعلان أحمد حلمي اتصالات بلغة " السغة ليمون "


 ومن بعدها الفيس كله بدأ يتكلم بيها وانتشرت انتشار غريب لدرجة ان من ايام أحمد حلمي عمل اعلان " اتصالات " باللغة دي وساعتها الناس استغربت اكتر وهي مش فاهمة حاجة لحد ما بحثوا عن اللغة دي واصلها ايه .

كلمات إعلان أحمد حلمي اتصالات


 اما الإعلان فكان بيقول :
  " سدد جون ، الساقة بلون ، سسبوع البوم ،  ستنين امازون ، سو ارانب ، سهر شماسي " 

حلمي بيقول :

  • سدد جون هنشيل ال س و نحط ج تبقي جدد
  • الساقة بالون = الباقة
  • سسبوع البوم = اسبوع
  • ستنين امازون = اتنين
  • سو ارانب = او 
  • سهر شماسي = شهر

يبقي " جدد الباقة اسبوع اتنين او شهر" ودي الرسالة اللي الاعلان كان عايز يوصلها .


اقرأ أيضا : مواعيد و ضاحيا برنامج رامز مريض نفسي رمضان 2021 

قواعد لغة " السغة ليمون "

اللغة انتشرت اكتر ما الاغنية والاعلان انتشروا فيعني عشان محدش يضحك عليك او قابلت حد اتكلم بيها تكون فاهمه 
فهي قواعد اللغة بسيطة .

هتمسك الكلام بتاعك هتشيل اول حرف وتحط سين وتجيب كلمة بعدها اول حرف فيها وتحط الحرف فاللي انت شيلته من الكلمة اللي قبلها اللي عايز تقولها اساسا .

مثلا انت عايز تقول : " انا هحاول افهم اللغة دي "

  • اول كلمة انا ، هتشيل الالف وتحط مكانه حرف السين ويبقي سنا وتجيب كلمة بعدها بادئة بحرف الألف زي ارنب مثلا.
  • الكلمة اللي بعدها هحاول ، هتشيل الهاء وتحط سين وتبقي سحاول وتجيب كلمة بعدها بادئة بحرف الهاء زي هرم مثلا .
وهكذا لحد ما تخلص الجملة بتاعتك وفي النهاية هيكون ده شكلها 

" سنا ارنب سحاول هرم سفهم امير السغة ليمون سي دبابة "

الكملة اللي انت بتضيفها بتكون اي كلمة بس تكون بادئة بالحرف اللي انت شيلته من الكلمة الاساسية .

الموضوع في الأول متعب بس بعد كده هتتكلمها بسهولة  بس بصراحة . 

نتمني نكون وضحنا وفسرنا لغة السغة ليمون بشكل كويس .

 دلوقتي اكتب في التعليقات فهمت ايه من الجملة دي : سنا اسد سلوقتي درج سعرف بلاعة ستكلم امور السغة ليمون السريبة غراب . 

اعلان احمد حلمي الجديد - اعلان احمد حلمي 2020 - احمد حلمي اعلان اتصالات - اعلان احمد حلمى - اعلان احمد حلمى اتصالات - لغة غريبة

google-playkhamsatmostaqltradent